«ПСЖ»нинг «Арсенал»га қарши бўлиб ўтадиган Чемпионлар лигаси финал учрашувига қай тарзда тайёргарлик кўриши ҳақида маълумотлар пайдо бўлди.
L'Équipe нашрининг таъкидлашича, парижликлар Франция чемпионати якунланганидан кейин алоҳида йиғинлар ёки ўртоқлик учрашувлари ўтказишни режалаштирмаяпти. Ваҳоланки, жамоа Лига 1 доирасидаги сўнгги ўйинини 17 май куни ўтказади, финал эса 30 майда.
Кутилишича, чемпионатнинг якуний ўйинидан сўнг «ПСЖ» бош мураббийи Луис Энрике футболчиларга камида уч кунлик таътил беради, шундан сўнг машғулотлар бошланади. Мутахассис жамоанинг қаергадир сафар қилишини ва ортиқча зўриқишини истамаяпти. У клубнинг машғулот базасини тайёргарлик кўриш учун энг яхши макон деб ҳисоблайди.
