«Liverpul» va Kataloniyaning «Barselona» klublaridagi o‘yinlari bilan mashhur bo‘lgan 39 yoshli hujumchi Luis Suares JCH-2026da ishtirok etish uchun Urugvay terma jamoasiga qaytish imkoniyatini inkor etmayapti.
«Agar meni chaqirishsa, terma jamoaga hech qachon rad javobini bermayman. Ayniqsa, mundial oldidan. O‘shanda men jamoadan ketish va yoshlarga yo‘l berishga qaror qilgandim. Aytilmasligi kerak bo‘lgan gaplarni aytgandim. Ammo buning uchun allaqachon uzr so‘raganman», — deya hujumchining so‘zlarini keltiradi EFE.
Eslatib o‘tamiz, tajribali markaziy hujumchi 2024 yilning kuzida milliy terma jamoadagi faoliyatini yakunlagan edi. Bo‘lajak mundialda Urugvay terma jamoasi Ispaniya, Saudiya Arabistoni va Kabo-Verde jamoalari bilan bir guruhdan joy olgan.
