Bugun, 9 may kuni Angliya Premyer-ligasining 2025/2026 yilgi mavsumi 36-turidan o‘rin olgan markaziy bahs — «Liverpul» va «Chelsi» jamoalari o‘rtasidagi o‘yin bo‘lib o‘tadi. Uchrashuv Liverpuldagi «Enfild» stadionida o‘tkaziladi. Bahsni bosh hakam Kreyg Pouson boshqarib boradi. O‘yin Toshkent vaqti bilan soat 16:30 da boshlanadi.
Jamoalarning boshlang‘ich tarkiblari:
«Liverpul»: Mamardashvili, van Deyk, Konate, Kerkez, Frimpong, Soboslai, Mak Allister, Jons, Gravenberx, Gakpo, Ngumoa.
«Chelsi»: Yorgensen, Gyusto, Fofana, Koluill, Kukurelya, Xato, Kaysedo, Santos, E. Fernandes, Palmer, Pedro.
Angliya chempionatining 35 turidan so‘ng mersisaydliklar 58 ochko jamg‘arib, to‘rtinchi o‘rinni egallab turishibdi. «Ko‘klar» esa 48 ochko bilan to‘qqizinchi pog‘onadan joy olgan.
O‘tgan turda Arne Slot shogirdlari «Manchester Yunayted»ga 2:3 hisobida imkoniyatni boy bergan bo‘lsa, London klubi «Nottingem Forest»ga 1:3 hisobida mag‘lub bo‘lgan edi.
