Taniqli murabbiy Joze Mourinyo o‘zi uchun dunyodagi eng sevimli va go‘zal shahar haqidagi savolga javob berdi.
«Eng muhimi — men yaxshi ko‘radigan insonlarning yonimda bo‘lishi. Agar ular bilan birga bo‘lsam, bu hatto Sahroi kabir bo‘lishi ham mumkin. Ammo nima bo‘lgan taqdirda ham, men uchun Rim — dunyodagi eng go‘zal shahar», — deya Mourinyoning so‘zlarini keltirmoqda Goal portali Sport Week nashriga tayanib.
Ma’lumot uchun, portugaliyalik mutaxassis 2021–2024 yillar davomida Rimning «Roma» klubini boshqargan edi. Ayni damda u Portugaliyaning «Benfika» klubi ustozi sifatida faoliyat yuritmoqda. Lissabonliklar hozirda mamlakat chempionati turnir jadvalida ikkinchi o‘rinni egallab turibdi.
