Таниқли мураббий Жозе Моуриньо ўзи учун дунёдаги энг севимли ва гўзал шаҳар ҳақидаги саволга жавоб берди.
«Энг муҳими — мен яхши кўрадиган инсонларнинг ёнимда бўлиши. Агар улар билан бирга бўлсам, бу ҳатто Саҳрои кабир бўлиши ҳам мумкин. Аммо нима бўлган тақдирда ҳам, мен учун Рим — дунёдаги энг гўзал шаҳар», — дея Моуриньонинг сўзларини келтирмоқда Goal портали Sport Week нашрига таяниб.
Маълумот учун, португалиялик мутахассис 2021–2024 йиллар давомида Римнинг «Рома» клубини бошқарган эди. Айни дамда у Португалиянинг «Бенфика» клуби устози сифатида фаолият юритмоқда. Лиссабонликлар ҳозирда мамлакат чемпионати турнир жадвалида иккинчи ўринни эгаллаб турибди.
