Angliya Premyer-ligasining 36-turi doirasida kechgan «Liverpul» va «Chelsi» (1:1) uchrashuvidan so‘ng, mersisaydliklar yarim himoyachisi Rayan Gravenberx ishqibozlarning harakatlariga to‘xtalib o‘tdi. O‘yin davomida «Enfild» tribunalari o‘z futbolchilarining manziliga hushtaklar chalishgan edi.

«Bizga muxlislarning qo‘llab-quvvatlovi juda zarur. To‘g‘ri, g‘alaba qozona olmayapmiz, lekin menimcha, biz bunday munosabatga (hushtaklarga) loyiq emasmiz. Muxlislar 90 daqiqa davomida biz bilan bo‘lishlari kerak. Ikkinchi bo‘limda ular bizni qo‘llab-quvvatlashni boshlaganida, biz raqibga bosim o‘tkazishga muvaffaq bo‘ldik. Bu biz uchun suv va havodek zarur», — deya Gravenberxning so‘zlarini keltirmoqda insayder Fabrisio Romano.

Ma’lumot uchun, «Liverpul» ayni damda APL turnir jadvalida 36 ta o‘yindan so‘ng 59 ochko jamg‘argan holda 4-o‘rinni egallab turibdi.