«Inter» yarim himoyachisi Anj-Yoan Bonni JCH-2026 turnirida Kot-d'Ivuar terma jamoasi sharafini himoya qiladigan bo‘ldi. FIFA milanliklar a’zosiga futbol fuqaroligini o‘zgartirishga rasman ruxsat berdi.
Endilikda ivuariyliklar bosh murabbiyi Emerse Fae yakuniga yetayotgan mavsumda «nerradzurrilar» safida o‘zini ko‘rsata olgan futbolchi xizmatidan foydalanishi mumkin. Kutilishicha, Bonni iyun oyi boshida, jahon chempionati oldidan o‘tkaziladigan o‘rtoqlik uchrashuvlarida yangi jamoasida debyut qiladi.
Eslatib o‘tamiz, Kot-d'Ivuar terma jamoasi mundialning «E» guruhida Ekvador, Kyurasao va Germaniya terma jamoalariga qarshi bahs olib boradi. Ivuariyliklar ilk uchrashuvini 15 iyun kuni o‘tkazadi.
