«Manchester Yunayted» klubi anchadan beri «Chelsi» hujumkor yarim himoyachisi Koul Palmerga asosiy da’vogarlardan biri sifatida ko‘rilayotgan edi. Londonliklarning Chempionlar ligasi yo‘llanmasidan quruq qolish xavfi ostida turgani ingliz yulduzining klubdagi kelajagini so‘roq ostida qoldirmoqda.

Biroq Mirror nashri xabariga ko‘ra, «Manchester Yunayted» kelayotgan transfer oynasida 24 yoshli futbolchi uchun kurashmaslikka qaror qilgan. «Qizil iblislar» ayni damda asosiy e’tiborni boshqa pozisiyalarni kuchaytirishga qaratgan.

Ma’lumot uchun, Transfermarkt portali Koul Palmerning bozor qiymatini 110 million yevroga baholagan. Uning «Chelsi» bilan amaldagi shartnomasi 2033 yilning yoziga qadar mo‘ljallangan. Joriy mavsumda futbolchi 31 ta o‘yinda maydonga tushib, 10 ta gol va 3 ta golli uzatmaga mualliflik qildi.