Fransiyaning «PSJ» klubi Madridning «Atletiko» hujumchisi Xulian Alvaresni o‘z safiga qo‘shib olish harakatlarini jadallashtirdi. PSG Report nashrining xabar berishicha, parijliklar bir necha haftadan beri argentinalik futbolchining vakillari bilan aloqada bo‘lib turibdi.

Manbaga ko‘ra, «PSJ» bosh murabbiyi Luis Enrike Alvaresning o‘yinini yuqori baholaydi va uni jamoa tarkibini kuchaytirish uchun eng munosib nomzod deb hisoblaydi. Parijliklar «Barselona» va boshqa grand klublarning qiziqishiga qaramay, YECHL g‘olibi bo‘lgan hujumchi transferini amalga oshirishda qat’iyat ko‘rsatmoqda.

Ma’lumot uchun, 26 yoshli Xulian Alvares joriy mavsumda barcha turnirlarda 49 ta o‘yinda maydonga tushib, 20 ta gol va 9 ta golli uzatmaga mualliflik qildi.