Франциянинг «ПСЖ» клуби Мадриднинг «Атлетико» ҳужумчиси Хулиан Альваресни ўз сафига қўшиб олиш ҳаракатларини жадаллаштирди. PSG Report нашрининг хабар беришича, парижликлар бир неча ҳафтадан бери аргентиналик футболчининг вакиллари билан алоқада бўлиб турибди.
Манбага кўра, «ПСЖ» бош мураббийи Луис Энрике Альвареснинг ўйинини юқори баҳолайди ва уни жамоа таркибини кучайтириш учун энг муносиб номзод деб ҳисоблайди. Парижликлар «Барселона» ва бошқа гранд клубларнинг қизиқишига қарамай, ЕЧЛ ғолиби бўлган ҳужумчи трансферини амалга оширишда қатъият кўрсатмоқда.
Маълумот учун, 26 ёшли Хулиан Альварес жорий мавсумда барча турнирларда 49 та ўйинда майдонга тушиб, 20 та гол ва 9 та голли узатмага муаллифлик қилди.
