Fransiyaning «PSJ» klubi bosh murabbiyi Luis Enrike jamoa yarim himoyachisi Uorren Zair-Emerining universal qobiliyatlarini yuqori baholadi. Ispaniyalik mutaxassis 20 yoshli futbolchining maydondagi intizomi va mahoratiga to‘xtalib o‘tgan.

«U istalgan pozisiyada o‘ynay oladi. Bu aql bovar qilmaydigan holat. Men bu futbolchini juda yaxshi ko‘raman! U haqiqiy o‘rnak bo‘la oladigan namunali o‘yinchi», — deya Enrikening so‘zlarini keltiradi L'Équipe nashri.

Ma’lumot uchun, Zair-Emeri joriy mavsumda barcha turnirlar doirasida 52 ta uchrashuvda maydonga tushib, 3 ta gol va 5 ta golli uzatmaga mualliflik qildi.

Bugun, 10 may kuni Fransiya chempionatining 33-turi doirasida «PSJ» o‘z maydonida «Brest»ni qabul qiladi. Uchrashuv Toshkent vaqti bilan soat 00:00 da boshlanishi rejalashtirilgan.