Франциянинг «ПСЖ» клуби бош мураббийи Луис Энрике жамоа ярим ҳимоячиси Уоррен Заир-Эмерининг универсал қобилиятларини юқори баҳолади. Испаниялик мутахассис 20 ёшли футболчининг майдондаги интизоми ва маҳоратига тўхталиб ўтган.
«У исталган позицияда ўйнай олади. Бу ақл бовар қилмайдиган ҳолат. Мен бу футболчини жуда яхши кўраман! У ҳақиқий ўрнак бўла оладиган намунали ўйинчи», — дея Энрикенинг сўзларини келтиради L'Équipe нашри.
Маълумот учун, Заир-Эмери жорий мавсумда барча турнирлар доирасида 52 та учрашувда майдонга тушиб, 3 та гол ва 5 та голли узатмага муаллифлик қилди.
Бугун, 10 май куни Франция чемпионатининг 33-тури доирасида «ПСЖ» ўз майдонида «Брест»ни қабул қилади. Учрашув Тошкент вақти билан соат 00:00 да бошланиши режалаштирилган.
