"Atletik" Bilbao va Ispaniya terma jamoasi vingeri Niko Uilyams La Liga doirasidagi "Valensiya"ga qarshi bahsning 35-daqiqasida jarohat olib, maydonni tark etdi.
Dastlabki taxminlarga ko‘ra, futbolchi mushaklarini shikastlab olgan. Maydonni tark etayotgan vaqtda 23 yoshli futbolchining juda qattiq xafa bo‘lgani va "bunday bo‘lishi mumkin emas, bo‘lishi mumkin emas" deya takrorlagani kameralar ob’ektiviga tushgan.
Uilyams chap oyog‘ining orqa qismiga muz solingan paket bosgan holda kiyinish xonasiga yo‘l oldi. Ushbu jarohatning jiddiyligi hozircha noma’lum, biroq bu Ispaniya terma jamoasi uchun haqiqiy muammoga aylanishi mumkin.
Eslatib o‘tamiz, Jahon chempionati — 2026 startiga atigi bir oy vaqt qoldi.
