"Атлетик" Бильбао ва Испания терма жамоаси вингери Нико Уильямс Ла Лига доирасидаги "Валенсия"га қарши баҳснинг 35-дақиқасида жароҳат олиб, майдонни тарк этди.

Дастлабки тахминларга кўра, футболчи мушакларини шикастлаб олган. Майдонни тарк этаётган вақтда 23 ёшли футболчининг жуда қаттиқ хафа бўлгани ва "бундай бўлиши мумкин эмас, бўлиши мумкин эмас" дея такрорлагани камералар объективига тушган.

Уильямс чап оёғининг орқа қисмига муз солинган пакет босган ҳолда кийиниш хонасига йўл олди. Ушбу жароҳатнинг жиддийлиги ҳозирча номаълум, бироқ бу Испания терма жамоаси учун ҳақиқий муаммога айланиши мумкин.

Эслатиб ўтамиз, Жаҳон чемпионати — 2026 стартига атиги бир ой вақт қолди.