Yakshanba oqshomida Angliya Premyer-ligasining 36-turi doirasida "Vest Xem" o‘z maydonida "Arsenal"ga imkoniyatni boy berdi. London derbisi taqdirini Leandro Trossar tomonidan kiritilgan yagona gol hal qildi.
Ushbu natija turnir jadvalining yuqori qismidagi kurashdan tashqari, jadvalning quyi pog‘onalaridagi vaziyatga ham o‘z ta’sirini ko‘rsatdi. "Vest Xem"ning mag‘lubiyatidan so‘ng "Lids" va "Nottingem Forest" jamoalari kelasi mavsum uchun APLdagi o‘rinlarini rasman kafolatlashdi.
Ayni damda har ikki klub hisobida 43 tadan ochko mavjud. 36 ochkoga ega bo‘lib turgan "Vest Xem" uchun qolgan ikki turda 7 ochkolik farqni yo‘qqa chiqarishning matematik jihatdan imkoni yo‘q. Shu tariqa, "tovuslar" va "o‘rmonchilar" muddatidan oldin elitada qolish vazifasini uddalashdi.
