Darvozabon Alisson «Yuventus»ga o‘tishga tayyor. Jurnalistlar Ben Jeykobs va Aleks Krukning xabar berishicha, Turin klubi 33 yoshli braziliyalik posbon bilan muzokaralar olib bormoqda.
Qayd etilishicha, Alissonning «Liverpul» bilan munosabatlari juda yaxshi, shu sababli u transferni tezlashtirishga urinmayapti. Braziliyalik darvozabon «Yuventus»da o‘ynashni istaydi, biroq ushbu transfer faqat barcha tomonlar, jumladan, «Liverpul» ham rozi bo‘lgan taqdirdagina amalga oshadi.
Alissonning mersisaydliklar bilan amaldagi shartnomasi 2027 yilning yoziga qadar mo‘ljallangan. Transfermarkt portali braziliyalik futbolchini 17 million yevroga baholamoqda. Agar Alisson jamoani tark etsa, Georgiy Mamardashvili «Liverpul»ning asosiy darvozaboni bo‘lish imkoniyatiga ega bo‘ladi. Klub gruziyalik posbonni uzoq muddatli birinchi raqamli darvozabon sifatida ko‘rmoqda.
