Дарвозабон Алиссон «Ювентус»га ўтишга тайёр. Журналистлар Бен Жейкобс ва Алекс Крукнинг хабар беришича, Турин клуби 33 ёшли бразилиялик посбон билан музокаралар олиб бормоқда.
Қайд этилишича, Алиссоннинг «Ливерпуль» билан муносабатлари жуда яхши, шу сабабли у трансферни тезлаштиришга уринмаяпти. Бразилиялик дарвозабон «Ювентус»да ўйнашни истайди, бироқ ушбу трансфер фақат барча томонлар, жумладан, «Ливерпуль» ҳам рози бўлган тақдирдагина амалга ошади.
Алиссоннинг мерсисайдликлар билан амалдаги шартномаси 2027 йилнинг ёзига қадар мўлжалланган. Transfermarkt портали бразилиялик футболчини 17 миллион еврога баҳоламоқда. Агар Алиссон жамоани тарк этса, Георгий Мамардашвили «Ливерпуль»нинг асосий дарвозабони бўлиш имкониятига эга бўлади. Клуб грузиялик посбонни узоқ муддатли биринчи рақамли дарвозабон сифатида кўрмоқда.
