«Benfika» bosh murabbiyi Joze Mourinyu Eron milliy jamoasining 2026 yilgi jahon chempionatidagi ishtiroki haqida o‘z munosabatini bildirdi.
— Siyosat boshqa masala, sport esa mutlaqo boshqa. Eron futbolchilari jahon chempionatida qatnashish huquqini qo‘lga kiritdi va turnirda ishtirok etishi kerak, — dedi Mourinyu.
Eron terma jamoasi 2026 yil 11 iyundan 19 iyulgacha AQSH, Kanada va Meksikada bo‘lib o‘tadigan jahon chempionatida ishtirok etadi. Guruh bosqichida eronliklar Yangi Zelandiya, Belgiya va Misr terma jamoalariga qarshi maydonga tushadi.
Avvalroq Eron tomonida AQSH bilan munosabatlar keskinlashgani sababli turnirda qatnashmaslik ehtimoli ham ko‘rib chiqilgan edi. Shuningdek, jamoa AQSHda o‘tishi rejalashtirilgan uchrashuvlarni Meksikaga ko‘chirishga harakat qilgan.
Biroq FIFA taqvimni o‘zgartirmadi. Keyinroq tashkilot prezidenti Janni Infantino Eron JCH-2026 doirasida AQSH hududida ham o‘ynashini tasdiqladi.













