«Бенфика» бош мураббийи Жозе Моуринью Эрон миллий жамоасининг 2026 йилги жаҳон чемпионатидаги иштироки ҳақида ўз муносабатини билдирди.
— Сиёсат бошқа масала, спорт эса мутлақо бошқа. Эрон футболчилари жаҳон чемпионатида қатнашиш ҳуқуқини қўлга киритди ва турнирда иштирок этиши керак, — деди Моуринью.
Эрон терма жамоаси 2026 йил 11 июндан 19 июлгача АҚШ, Канада ва Мексикада бўлиб ўтадиган жаҳон чемпионатида иштирок этади. Гуруҳ босқичида эронликлар Янги Зеландия, Бельгия ва Миср терма жамоаларига қарши майдонга тушади.
Аввалроқ Эрон томонида АҚШ билан муносабатлар кескинлашгани сабабли турнирда қатнашмаслик эҳтимоли ҳам кўриб чиқилган эди. Шунингдек, жамоа АҚШда ўтиши режалаштирилган учрашувларни Мексикага кўчиришга ҳаракат қилган.
Бироқ ФИФА тақвимни ўзгартирмади. Кейинроқ ташкилот президенти Жанни Инфантино Эрон ЖЧ-2026 доирасида АҚШ ҳудудида ҳам ўйнашини тасдиқлади.













