«PSJ» bosh murabbiyi Luis Enrike Fransiya Liga 1 doirasida «Brest»ga qarshi kechgan o‘yinda (1:0) parijliklar darvozaboni Renato Marinning harakatlariga baho berdi.
19 yoshli italiyalik posbon «PSJ» safida dekabr oyida Fransiya Kubogida debyut qilgan edi. U hozirga qadar klub uchun jami 3 ta uchrashuvda maydonga tushdi.
— Marinning o‘yini haqida nima deya olasiz?
— Men futbolchilarimning doimo shay turishini istayman va Renato bilan aynan shu maqsadda ishladik. U o‘z vazifasini a’lo darajada uddaladi. Biz tayyor bo‘lishimiz kerak, chunki Chempionlar ligasi finaliga atigi ikki hafta qoldi, — dedi Enrike.
