«ПСЖ» бош мураббийи Луис Энрике Франция Лига 1 доирасида «Брест»га қарши кечган ўйинда (1:0) парижликлар дарвозабони Ренато Мариннинг ҳаракатларига баҳо берди.

19 ёшли италиялик посбон «ПСЖ» сафида декабрь ойида Франция Кубогида дебют қилган эди. У ҳозирга қадар клуб учун жами 3 та учрашувда майдонга тушди.

— Мариннинг ўйини ҳақида нима дея оласиз?

— Мен футболчиларимнинг доимо шай туришини истайман ва Ренато билан айнан шу мақсадда ишладик. У ўз вазифасини аъло даражада уддалади. Биз тайёр бўлишимиз керак, чунки Чемпионлар лигаси финалига атиги икки ҳафта қолди, — деди Энрике.