«Atletiko» bosh murabbiyi Diyego Simeone «Barselona»ning chempionligiga munosabat bildirdi.
Kataloniya klubi La Liganing 35-turidan so‘ng 91 ochko jamg‘ardi va mavsum yakuniga uch tur qolganda ikkinchi o‘rindagi «Real»dan 14 ochkoga ilgarilab ketdi.
«Barselona» — dunyoning eng yaxshi jamoasi. Ular o‘tgan mavsumdagidek, juda chiroyli o‘yin ko‘rsatib, chempionatda g‘olib chiqishdi.
[«Barselona» va «Real» o‘rtasidagi] o‘yinni tomosha qila turib, faqat bir narsa haqida o‘yladim: «Xudoyim, biz bu jamoani ikki marta musobaqadan chiqarib yubordik-a (ECHL va Ispaniya Kubogida — tahr.)», — dedi Simeone.
