«Inter» sardori Lautaro Martines Italiya Kubogi finali oldidan o‘z fikrlari bilan o‘rtoqlashdi.
Milanliklar chorshanba kuni turnirning final uchrashuvida «Lasio»ga qarshi maydonga tushadi. Avvalroq «neradzurri» muddatidan oldin skudettoni qo‘lga kiritgan edi.
«Bu juda katta ahamiyatga ega. Biz buni juda uzoq kutdik. Bu mavsumni biz doim orzu qilgandek yakunlash usulidir. Muammolarimiz bor edi, lekin biz ularni yengib o‘tdik.
Bugun qo‘limizda bitta sovrin bor va biz ikkinchisini ham qiyin o‘yinda qo‘lga kiritib, uyga olib kelishga harakat qilamiz», — deya Lautaroning Sky Sport’ga bergan intervyusidan iqtibos keltirmoqda TMW.
