«Milan»ning sobiq himoyachisi Teo Ernandes yirik janjal markazida qoldi. Futbolchining sobiq haydovchisi fransiyalik o‘yinchi yengiltak qizlar va «kuldiruvchi gaz» bilan ziyofatlar uyushtirganini so‘zlab berdi. Bu haqda haydovchi jurnalist Fabrisio Koronaga bergan intervyusida ma’lum qilgan.
Ta’kidlanishicha, Ernandes hatto yengil tabiatli xonimlarni bir joydan ikkinchi joyga tashish qulay bo‘lishi uchun maxsus furgon ham sotib olgan. Ziyofatlarda futbolchilar havo shari ichidagi azot oksididan nafas olishgan, so‘ngra xizmat haqi 1500 dan 2500 yevrogacha bo‘lgan «muhabbat parilari» qurshovida Chempionlar ligasi madhiyasini baland ovozda qo‘yishgan.
Teoning bunday kechalariga Chalxano‘g‘li, Braim Dias, Kastilyexo, Donnarumma, Tonali, Leau va Ibragimovich tashrif buyurib turgan. Ayni damda Ernandes Saudiya Arabistonining «Al-Hilol» klubida to‘p surmoqda.
