Chechenistonlik UFC jangchisi Hamzat Chimayev o‘rta vazn toifasining yangi chempioni, amerikalik Shon Striklend bilan revansh jangini o‘tkazishga tayyor ekanligini bildirdi.
Mazkur vazn toifasidagi titul jangi AQSHning Nyuark shahrida bo‘lib o‘tgan UFC 328 turnirining asosiy voqeasiga aylandi. Murosasiz kechgan bahs yakunida hakamlarning bo‘lingan qarori bilan Striklend g‘alaba qozonib, chempionlik kamarini qo‘lga kiritdi.
Jangdan so‘ng Chimayev o‘zining X (Twitter) sahifasida raqibini qayta jangga chorlab, quyidagicha post qoldirdi:
“Qachon tayyor bo‘lsang, xabar ber, Shon Striklend”.
Ma’lumot o‘rnida, ushbu muvaffaqiyatsizlik Chimayev uchun professional faoliyatidagi ilk mag‘lubiyat bo‘ldi. 2018-yildan buyon oktagonda jang qilib kelayotgan Hamzat UFCdagi debyutini 2020-yilda o‘tkazgan. Hozirgacha uning hisobida 15 ta g‘alaba (shundan 12 tasi muddatidan oldin) va 1 ta mag‘lubiyat mavjud.
