Mersisaydliklarning asosiy darvozaboni Alisson Beker joriy mavsum yakunida jamoani tark etishi kutilmoqda. TEAMtalk nashri xabariga ko‘ra, «Liverpul» uning o‘rniga «Aston Villa»ning 33 yoshli argentinalik posboni Emiliano Martines nomzodini ko‘rib chiqmoqda.

Manbalarning ta’kidlashicha, Alisson kelayotgan yozgi transfer oynasida «Yuventus»ning asosiy nishoniga aylangan. Agar «qizillar» Martines bilan shartnoma borasida kelishuvga erisha olsalar, braziliyalik darvozabonni qo‘yib yuborishga tayyor.

Emiliano Martines joriy mavsumda «Aston Villa» safida 42 ta o‘yinda maydonga tushdi va ularning 12 tasida o‘z darvozasi daxlsizligini saqlab qoldi.