Мерсисайдликларнинг асосий дарвозабони Алиссон Бекер жорий мавсум якунида жамоани тарк этиши кутилмоқда. TEAMtalk нашри хабарига кўра, «Ливерпуль» унинг ўрнига «Астон Вилла»нинг 33 ёшли аргентиналик посбони Эмилиано Мартинес номзодини кўриб чиқмоқда.
Манбаларнинг таъкидлашича, Алиссон келаётган ёзги трансфер ойнасида «Ювентус»нинг асосий нишонига айланган. Агар «қизиллар» Мартинес билан шартнома борасида келишувга эриша олсалар, бразилиялик дарвозабонни қўйиб юборишга тайёр.
Эмилиано Мартинес жорий мавсумда «Астон Вилла» сафида 42 та ўйинда майдонга тушди ва уларнинг 12 тасида ўз дарвозаси дахлсизлигини сақлаб қолди.
