Karlo Anchelottining o‘g‘li va sobiq yordamchisi Davide Anchelotti «An-Nasr» hujumchisi Krishtianu Ronaldu haqidagi xotiralari bilan o‘rtoqlashdi.

«Krishtianu haqiqatan ham shunchalik perfeksionistmi? Albatta, unda takrorlanmas ish etikasi mavjud. 2014 yilda «Oltin to‘p»ni qo‘lga kiritganida, u buni nishonlash uchun o‘ziga bir qadah shampan vinosi ichishga ruxsat bergandi. Biroq ilk mashg‘ulotning o‘zidayoq u mana shu ichgan ichimligini "yuvish" uchun qo‘shimcha mashqlar so‘ragan», — dedi Davide Anchelotti La Gazzetta dello Sport nashriga bergan intervyusida.

Joriy mavsumda Krishtianu Ronaldu «An-Nasr» safida barcha musobaqalarda 34 ta o‘yinda maydonga tushib, 28 ta gol va 5 ta golli uzatmani amalga oshirdi. Uning Saudiya klubi bilan shartnomasi 2027 yilning 30 iyunigacha mo‘ljallangan.