Карло Анчелоттининг ўғли ва собиқ ёрдамчиси Давиде Анчелотти «Ан-Наср» ҳужумчиси Криштиану Роналду ҳақидаги хотиралари билан ўртоқлашди.
«Криштиану ҳақиқатан ҳам шунчалик перфекционистми? Албатта, унда такрорланмас иш этикаси мавжуд. 2014 йилда «Олтин тўп»ни қўлга киритганида, у буни нишонлаш учун ўзига бир қадаҳ шампан виноси ичишга рухсат берганди. Бироқ илк машғулотнинг ўзидаёқ у мана шу ичган ичимлигини "ювиш" учун қўшимча машқлар сўраган», — деди Давиде Анчелотти La Gazzetta dello Sport нашрига берган интервьюсида.
Жорий мавсумда Криштиану Роналду «Ан-Наср» сафида барча мусобақаларда 34 та ўйинда майдонга тушиб, 28 та гол ва 5 та голли узатмани амалга оширди. Унинг Саудия клуби билан шартномаси 2027 йилнинг 30 июнигача мўлжалланган.
