Ukraina terma jamoasi va Rimning «Roma» klubi hujumchisi Artem Dovbik Angliya Premyer-ligasi klublari qiziqishlari doirasiga tushdi, deb xabar bermoqda Il Sussidiario.
Manba ma’lumotlariga ko‘ra, 28 yoshli to‘purarning chiqishlarini bir nechta Yevropa jamoalari kuzatib bormoqda. Shunga qaramay, ukrainalik futbolchining transferi bo‘yicha eng jiddiy qiziqishni «Vest Xem» bildirmoqda.
Xabar qilinishicha, London jamoasi kelishuvning ikkita variantini ko‘rib chiqmoqda: futbolchining transfer huquqini 10 million yevroga to‘liq sotib olish yoki uni bir yillik ijaraga olib, keyinchalik shartnomani 15 million yevroga sotib olish huquqini qo‘lga kiritish.
