Bugun, 13 may kuni Rimdagi «Olimpiko» stadionida Italiya Kubogining 2025/2026 yilgi mavsumi hal qiluvchi final uchrashuvi bo‘lib o‘tadi. Unda Rimning «Lasio» hamda Milanning «Inter» jamoalari o‘zaro bahs olib borishadi.
Uchrashuvni Marko Guida boshchiligidagi hakamlar brigadasi boshqarib boradi. O‘yin Toshkent vaqti bilan soat 00:00 da boshlanishi belgilangan.
Jamoalar quyidagi tarkiblarda maydonga tushishadi:
«Lasio»: Motta, Marushich, Xila, Romanyoli, Tavaresh, Teylor, Bashich, Gabarron, Noslin, Dzakkani, Isaksen.
«Inter»: Martines, Bissekk, Bastoni, Akandji, Barella, Dumfris, Zelinski, Dimarko, Suchich, Tyuram, Martines.
Yarim final bosqichida «Inter» ikki o‘yin natijasiga ko‘ra «Komo» jamoasidan (3:2) ustun kelgan edi. «Lasio» esa Bergamoning «Atalanta» klubini penaltilar seriyasida mag‘lub etib (3:3, 2:1), final yo‘llanmasini qo‘lga kiritgan.
Ma’lumot uchun, Italiya Kubogining amaldagi g‘olibi «Bolonya» klubi hisoblanadi. Ular o‘tgan mavsum finalida «Milan»ni 1:0 hisobida mag‘lub etishgan edi.
