Fransiyaning «PSJ» klubi bosh murabbiyi Luis Enrike jamoasining Liga 1dagi navbatdagi muddatidan oldin qo‘lga kiritilgan chempionligi haqida fikr bildirdi.

Parijliklar qoldirilgan bahsda «Lans» jamoasini 2:0 hisobida mag‘lub etib, turnir jadvalidagi yaqin ta’qibchisidan 9 ochkoga o‘zib ketdi va oltin medallarni naqd qildi.

Enrikening ta’kidlashicha, bu safargi chempionlik oldingilaridan ko‘ra ko‘proq kuch talab qilgan.

«Ushbu sovrin men qo‘lga kiritgan uchta chempionlik ichida eng qiyini bo‘ldi. «Lans» o‘zini juda yaxshi ko‘rsata oldi. Mavsum davomida ular ajoyib seriyalar qayd etishdi va katta o‘yinlarda g‘alaba qozonishdi. Bunday raqibga qarshi o‘ynash doim qiyin», — deya murabbiyning so‘zlarini keltiradi RMC Sport.