Франциянинг «ПСЖ» клуби бош мураббийи Луис Энрике жамоасининг Лига 1даги навбатдаги муддатидан олдин қўлга киритилган чемпионлиги ҳақида фикр билдирди.
Парижликлар қолдирилган баҳсда «Ланс» жамоасини 2:0 ҳисобида мағлуб этиб, турнир жадвалидаги яқин таъқибчисидан 9 очкога ўзиб кетди ва олтин медалларни нақд қилди.
Энрикенинг таъкидлашича, бу сафарги чемпионлик олдингиларидан кўра кўпроқ куч талаб қилган.
«Ушбу соврин мен қўлга киритган учта чемпионлик ичида энг қийини бўлди. «Ланс» ўзини жуда яхши кўрсата олди. Мавсум давомида улар ажойиб сериялар қайд этишди ва катта ўйинларда ғалаба қозонишди. Бундай рақибга қарши ўйнаш доим қийин», — дея мураббийнинг сўзларини келтиради RMC Sport.
