Myunxenning «Bavariya» klubi va Kolumbiya terma jamoasi hujumchisi Luis Dias oilasida quvonchli voqea yuz berdi. Futbolchining xonadonida uchinchi farzand dunyoga keldi.
«Yanada ko‘proq muhabbat. Yanada ko‘proq hayot. Yanada ko‘paydik. Yana bir orzumiz haqiqatga aylandi», — deb yozadi juftlik ijtimoiy tarmoqlardagi sahifasida. Chaqaloqqa Fernando deb ism qo‘yishdi.
Luis Dias va uning turmush o‘rtog‘i Jeraldina Ponsoning ikki nafar qiz farzandlari bor edi. To‘ng‘ich qizi 2021 yilda, ikkinchisi esa 2024 yilda tug‘ilgan.
Ma’lumot uchun, Luis Diasning «Bavariya» bilan amaldagi shartnomasi 2029 yilning yoziga qadar mo‘ljallangan. Transfermarkt portali futbolchini 70 million yevroga baholamoqda. Joriy mavsumda hujumchi Bundesliga doirasida 31 ta o‘yinda maydonga tushib, 15 ta gol va 16 ta golli uzatmani o‘z hisobiga yozdirib qo‘ydi.













