Мюнхеннинг «Бавария» клуби ва Колумбия терма жамоаси ҳужумчиси Луис Диас оиласида қувончли воқеа юз берди. Футболчининг хонадонида учинчи фарзанд дунёга келди.
«Янада кўпроқ муҳаббат. Янада кўпроқ ҳаёт. Янада кўпайдик. Яна бир орзумиз ҳақиқатга айланди», — деб ёзади жуфтлик ижтимоий тармоқлардаги саҳифасида. Чақалоққа Фернандо деб исм қўйишди.
Луис Диас ва унинг турмуш ўртоғи Жеральдина Понсонинг икки нафар қиз фарзандлари бор эди. Тўнғич қизи 2021 йилда, иккинчиси эса 2024 йилда туғилган.
Маълумот учун, Луис Диаснинг «Бавария» билан амалдаги шартномаси 2029 йилнинг ёзига қадар мўлжалланган. Transfermarkt портали футболчини 70 миллион еврога баҳоламоқда. Жорий мавсумда ҳужумчи Бундеслига доирасида 31 та ўйинда майдонга тушиб, 15 та гол ва 16 та голли узатмани ўз ҳисобига ёздириб қўйди.
