«Liverpul» bosh murabbiyi Arne Slot kelasi mavsumda ham jamoa ustozi sifatida qolish-qolmasligi haqida gapirib berdi.
«Kelasi mavsumda ham «Liverpul» bosh murabbiyi bo‘lib qolishimga ishonish uchun menda barcha asoslar bor. Kelasi mavsum uchun rejalar tuzilgan, klub va yangi o‘yinchilar bilan muzokaralar davom etmoqda va men bu jarayonda bevosita ishtirok etyapman», — deya Slotning so‘zlarini keltiradi insayder Fabrisio Romano.
Arne Slot «Liverpul» boshqaruvini 2024 yilning yozida qo‘lga olgan edi. Uning qo‘l ostida «qizillar» o‘tgan mavsumda Angliya Premyer-ligasida chempionlikni qo‘lga kiritishdi. Ayni damda «Liverpul» Angliya chempionati turnir jadvalida 36 turdan so‘ng 59 ochko to‘plagan holda to‘rtinchi o‘rinni egallab turibdi.
