«Liverpul» bosh murabbiyi Arne Slot doimiy tanqidlar borasidagi fikrlari bilan o‘rtoqlashdi. Ko‘plab muxlislar va klubga yaqin bo‘lgan ekspertlar joriy mavsumdagi omadsiz natijalar sababli niderlandiyalik mutaxassisdan hafsalalari pir bo‘lganini bildirishmoqda.
«Men 47 yoshdaman, 12 yoshli bolakay emasman. 16 yoshimdan beri professional futboldaman — ha, balki bu darajada bo‘lmagandir, lekin o‘shandayoq ba’zida seni ajoyib o‘yinchi deb hisoblashlariga, ba’zida esa unchalik xush ko‘rmasliklariga o‘rganganman. Murabbiylarda ham xuddi shunday. Biz bunga ko‘nikkanmiz. Agar sen bunday tebranishlarga tayyor bo‘lmasang, hech qachon «Liverpul» darajasidagi klubga kela olmaysan. Ushbu mavsum meni tanqidlarni yaxshi qabul qilishga o‘rgatdi. Men bosim ostida o‘zimni boshqacha tutmayman, tiniq fikrlayman va kerak deb bilgan ishimni qilaman», — dedi Slot matbuot anjumanida.
Juma kuni «qizillar» Premyer-liganing 37-turi doirasida «Aston Villa»ga qarshi maydonga tushadi.
