Dushanba oqshomida Angliya Premyer-ligasida «Aston Villa» va «Liverpul» jamoalari o‘rtasida uchrashuv bo‘lib o‘tdi. Unda birmingemliklar 4:2 hisobida g‘alaba qozonishdi. Natijada, Unai Emeri jamoasi Angliya chempionatida kuchli beshlikdan (top-5) joy olishini naqd qildi, bu esa keyingi mavsum uchun Chempionlar ligasi yo‘llanmasini qo‘lga kiritishni anglatadi.
Hozirgacha 21 ta jamoa 2026/2027 yilgi mavsum Chempionlar ligasining umumiy bosqichiga yo‘llanmani qo‘lga kiritib bo‘ldi. Keling, ushbu yo‘llanmalarga ega chiqqan klublar bilan tanishib chiqamiz:
-
Angliya: «Arsenal», «Manchester Siti», «Manchester Yunayted», «Aston Villa».
-
Italiya: «Inter».
-
Ispaniya: «Barselona», «Real Madrid», «Vilyarreal», «Atletiko Madrid», «Betis».
-
Germaniya: «Bavariya», «Borussiya Dortmund», «RB Leypsig».
-
Fransiya: «PSJ», «Lans».
-
Niderlandiya: PSV, «Feyenoord».
-
Portugaliya: «Portu».
-
Chexiya: «Slaviya Praga».
-
Turkiya: «Galatasaroy».
-
Ukraina: «Shaxtyor Donesk».
Eslatib o‘tamiz, Chempionlar ligasining umumiy bosqichida 36 ta jamoa ishtirok etadi. Qolgan yo‘llanmalarning 7 tasi saralash (kvalifikasiya) bosqichi o‘yinlarida o‘ynaladi.
