Душанба оқшомида Англия Премьер-лигасида «Астон Вилла» ва «Ливерпуль» жамоалари ўртасида учрашув бўлиб ўтди. Унда бирмингемликлар 4:2 ҳисобида ғалаба қозонишди. Натижада, Унаи Эмери жамоаси Англия чемпионатида кучли бешликдан (топ-5) жой олишини нақд қилди, бу эса кейинги мавсум учун Чемпионлар лигаси йўлланмасини қўлга киритишни англатади.
Ҳозиргача 21 та жамоа 2026/2027 йилги мавсум Чемпионлар лигасининг умумий босқичига йўлланмани қўлга киритиб бўлди. Келинг, ушбу йўлланмаларга эга чиққан клублар билан танишиб чиқамиз:
-
Англия: «Арсенал», «Манчестер Сити», «Манчестер Юнайтед», «Астон Вилла».
-
Италия: «Интер».
-
Испания: «Барселона», «Реал Мадрид», «Вильярреал», «Атлетико Мадрид», «Бетис».
-
Германия: «Бавария», «Боруссия Дортмунд», «РБ Лейпциг».
-
Франция: «ПСЖ», «Ланс».
-
Нидерландия: ПСВ, «Фейеноорд».
-
Португалия: «Порту».
-
Чехия: «Славия Прага».
-
Туркия: «Галатасарой».
-
Украина: «Шахтёр Донецк».
Эслатиб ўтамиз, Чемпионлар лигасининг умумий босқичида 36 та жамоа иштирок этади. Қолган йўлланмаларнинг 7 таси саралаш (квалификация) босқичи ўйинларида ўйналади.
