«Manchester Siti» bosh murabbiyi Xosep Gvardiola Angliya Kubogi finali arafasida jamoaning so‘nggi 10 yil ichida qo‘lga kiritgan sovrinlari sonini hisoblab chiqdi. «Shaharliklar» shu paytgacha 19 ta sovrinni qo‘lga kiritishgan va hozir 20-sini yutishlari mumkin. Bunday holatda, «Siti» o‘rtacha hisobda bir mavsumda ikkitadan sovringa ega chiqqan bo‘ladi.

«Xo‘sh, 10 yil ichida 19 ta titul — bu yomon emas… Ular mening ketishimni kutishlari shart emas, chunki hammasi juda maroqli bo‘lganini o‘zlari ham bilishadi! Bu haqiqatan ham dahshatli darajada qiziq bo‘ldi! 20-sovrin uchun kurashish… yomon emas!» — deya ispaniyalik mutaxassisning so‘zlarini keltirmoqda Fabrisio Romano.

«Siti» Chempionlar ligasini tark etgan bo‘lsa-da, APLda g‘olib chiqish imkoniyatlarini hanuz saqlab turibdi. «Chelsi»ga qarshi final uchrashuvi 16 may kuni bo‘lib o‘tadi. O‘yin Toshkent vaqti bilan soat 19:00 da boshlanadi.