Argentina terma jamoasi bosh murabbiyi Lionel Skaloni Lionel Messining kelajagi haqidagi savolga javob berdi.
«Men keyin nima bo‘lishi haqida o‘ylashni yoqtirmayman. Hozirgi lahzalardan zavqlanishni afzal ko‘raman. Uning o‘ynashda davom etishiga ishongim keladi, chunki aks holda bu juda qayg‘uli bo‘ladi, xuddi Diyego [Maradona] bilan bo‘lgani kabi».
Messi va Maradona birga o‘ynay olishi mumkinmidi, degan savolga esa shunday javob berdi:
«Albatta. Tizimni futbolchilarning o‘zlari yaratishadi. Qanday qilib dunyoning eng yaxshi ikki futbolchisi bir-birini tushuna olmasligi mumkin? Muammo faqat raqiblarda bo‘lgan bo‘lardi», — dedi Skaloni.
