Kataloniyaning «Barselona» klubi hujumchisi Ferran Torres kelayotgan yozda Ispaniyaning boshqa bir jamoasiga o‘tishi mumkin. Bu haqda «Sport.es» jurnalistlari xabar bermoqda.
Manbaning ta’kidlashicha, hujumchiga Madridning «Atletiko» klubi qiziqish bildirmoqda. 26 yoshli futbolchining bozor qiymati 50 million yevroga baholanmoqda, uning «ko‘k-anorranglilar» bilan amaldagi shartnomasi esa 2027 yilning iyun oyi oxirigacha amal qiladi.
Ispaniya La Ligasining joriy mavsumida Torres 32 ta o‘yinda maydonga tushib, 16 ta gol urdi va bitta golli uzatmani amalga oshirdi. Ayni damda Ispaniya chempionati turnir jadvalida «Barselona» birinchi, «Atletiko» esa to‘rtinchi o‘rinni egallab turibdi.
