Niderlandiya chempionatining so‘nggi tur uchrashuvlari bo‘lib o‘tdi. «Tvente» yirik — 1:5 hisobida PSVga imkoniyatni boy berdi, NEK esa «Gou Exed Igls» ustidan 2:1 hisobida zafar quchdi.
Ushbu natijalardan so‘ng, NEK (59 ochko) «Tvente»ni (58 ochko) ortda qoldirgan holda, Erediviziya turnir jadvalida uchinchi o‘ringa ko‘tarildi. Shu tariqa, NEK klubi Chempionlar ligasi saralashi yo‘llanmasiga ega chiqdi. Neymegen shahri jamoasi qit’aning eng nufuzli klublar turniridagi yurishini 2026/2027 yilgi mavsumda uchinchi saralash bosqichidan boshlaydi.
Kuchli uchlikdan tushib ketgan «Tvente» esa Yevropa ligasi saralash bosqichi yo‘llanmasi bilan kifoyalandi. Qo‘shimcha qilish joizki, Niderlandiya chempionatida dastlabki ikki o‘rinni band etgan PSV va «Feyenoord» jamoalari to‘g‘ridan-to‘g‘ri Chempionlar ligasining umumiy (asosiy) bosqichiga yo‘l olishdi.
