Нидерландия чемпионатининг сўнгги тур учрашувлари бўлиб ўтди. «Твенте» йирик — 1:5 ҳисобида ПСВга имкониятни бой берди, НЕК эса «Гоу Эхед Иглс» устидан 2:1 ҳисобида зафар қучди.
Ушбу натижалардан сўнг, НЕК (59 очко) «Твенте»ни (58 очко) ортда қолдирган ҳолда, Эредивизия турнир жадвалида учинчи ўринга кўтарилди. Шу тариқа, НЕК клуби Чемпионлар лигаси саралаши йўлланмасига эга чиқди. Неймеген шаҳри жамоаси қитъанинг энг нуфузли клублар турниридаги юришини 2026/2027 йилги мавсумда учинчи саралаш босқичидан бошлайди.
Кучли учликдан тушиб кетган «Твенте» эса Европа лигаси саралаш босқичи йўлланмаси билан кифояланди. Қўшимча қилиш жоизки, Нидерландия чемпионатида дастлабки икки ўринни банд этган ПСВ ва «Фейеноорд» жамоалари тўғридан-тўғри Чемпионлар лигасининг умумий (асосий) босқичига йўл олишди.
