Frankfurtning «Ayntraxt» klubi Albert Riyeraning bosh murabbiylik lavozimidan bo‘shatilganini e’lon qildi. Ispaniyalik mutaxassis bilan birgalikda uning yordamchilari ham jamoani tark etmoqda.
«Unga kelajakdagi ham shaxsiy, ham professional hayotida eng ezgu tilaklarimizni tilab qolamiz!» — deyiladi klub matbuot xizmati tomonidan berilgan bayonotda.
Ispaniyalik mutaxassis Frankfurt jamoasini 2026 yilning yanvar oyida qabul qilib olgan edi. Ayni damda Mayndagi Frankfurt shahri vakillari Germaniya chempionati turnir jadvalida 32 ta turdan so‘ng 43 ochko jamg‘argan holda 8-o‘rinni egallab turishibdi. «Ayntraxt» yevrokuboklar hududidan (kuchli oltilikdan) 15 ochkoga ortda qolmoqda.
