Dushanba kuni «Barselona» Xans-Diter Flik bilan shartnoma uzaytirilganini e’lon qildi. Germaniyalik mutaxassis 2028 yilning o‘rtalariga qadar mo‘ljallangan mehnat kelishuviga imzo chekdi. Shartnomada hamkorlikni yana bir mavsumga uzaytirish imkoniyati ham ko‘zda tutilgan.
«Men har kuni klubning, murabbiylar shtabining, futbolchilar va muxlislarning ishtiyoqini his qilyapman. Bu aql bovar qilmaydigan darajada. Men uchun bu juda qadrli. Biz ko‘plab ajoyib lahzalarni birga baham ko‘rdik va menda yanada ko‘prog‘iga bo‘lgan tashnalik bor — men ko‘proq sovrinlarni qo‘lga kiritishni istayman. Ishonch uchun rahbariyatga rahmat. Men juda mamnunman», — deya Flikning so‘zlaridan iqtibos keltiradi AS nashri.
Xans-Diter Flik qo‘l ostidagi ikki mavsum davomida «Barselona» Ispaniyada beshta sovrinni qo‘lga kiritdi — ikkita chempionlik, bir marta mamlakat Kubogi va ikki bor Superkubok.
