Душанба куни «Барселона» Ханс-Дитер Флик билан шартнома узайтирилганини эълон қилди. Германиялик мутахассис 2028 йилнинг ўрталарига қадар мўлжалланган меҳнат келишувига имзо чекди. Шартномада ҳамкорликни яна бир мавсумга узайтириш имконияти ҳам кўзда тутилган.
«Мен ҳар куни клубнинг, мураббийлар штабининг, футболчилар ва мухлисларнинг иштиёқини ҳис қиляпман. Бу ақл бовар қилмайдиган даражада. Мен учун бу жуда қадрли. Биз кўплаб ажойиб лаҳзаларни бирга баҳам кўрдик ва менда янада кўпроғига бўлган ташналик бор — мен кўпроқ совринларни қўлга киритишни истайман. Ишонч учун раҳбариятга раҳмат. Мен жуда мамнунман», — дея Фликнинг сўзларидан иқтибос келтиради AS нашри.
Ханс-Дитер Флик қўл остидаги икки мавсум давомида «Барселона» Испанияда бешта совринни қўлга киритди — иккита чемпионлик, бир марта мамлакат Кубоги ва икки бор Суперкубок.
