«Chelsi» shu yozda jamoaning yangi bosh murabbiyi Xabi Alonso uchun beshta futbolchi sotib olmoqchi. TEAMtalk nashrining ma’lumotlariga ko‘ra, «ko‘klar»ning asosiy transfer maqsadlaridan biri «Galatasaroy» hujumchisi Viktor Osimxen bo‘ladi, u londonliklarning yangi forvardiga aylanishi kutilmoqda.
Xabi Alonso allaqachon tarkibni shakllantirishni boshlamoqda, chunki u shu yozda jamoani qayta qurmoqchi, «Stemford Bridj»da esa katta o‘zgarishlar kutilmoqda.
Viktor Osimxen 2025 yilda «Napoli»dan «Galatasaroy»ga 75 million yevro evaziga o‘tgan edi. Uning shartnomasi 2029 yilning 30 iyuniga qadar mo‘ljallangan. Joriy mavsumda nigeriyalik futbolchi turk klubi safinda barcha turnirlarda 33 ta o‘yinda maydonga tushib, 22 ta gol urdi va 8 ta golli uzatmani amalga oshirdi.
