UEFA 2028 yilgi Yevropa chempionatidan keyin o‘tkaziladigan saralash turnirlari tuzilmasiga o‘zgartish kiritdi.

Yangi tizimga ko‘ra, musobaqalar ikki ligada tashkil etiladi. Kuchliroq divizionda 36 ta terma jamoa, ikkinchi ligada esa 18 yoki 19 ta jamoa ishtirok etadi. Birinchi liga guruhlarida g‘olib bo‘lgan jamoalar to‘g‘ridan to‘g‘ri Yevropa yoki jahon chempionatiga yo‘l oladi. Qolgan yo‘llanmalar pley-off tizimi orqali taqsimlanadi va unda ikkinchi liganing eng yaxshi jamoalari ham qatnashadi.

Yaqin oylar ichida ushbu konsepsiya yanada takomillashtiriladi. Har bir milliy terma jamoa saralash bosqichida oltitadan uchrashuv o‘tkazadi.

Jahon va Yevropa chempionatlari mezbonlari musobaqaning asosiy bosqichiga to‘g‘ridan to‘g‘ri chiqadi. Shu bilan birga, ular keyingi UEFA Millatlar ligasi qur’asidagi savatlarga ta’sir qilish uchun saralash bahslarida ham ishtirok etadi.

2028/2029 yilgi mavsumdan boshlab UEFA Millatlar ligasi uchta ligaga bo‘linadi va har bir ligada 18 tadan jamoa qatnashadi.