Ruben Amorim «Benfika» klubini boshqarmaydi. Lissabon klubi ayni damda «Real»ga qaytish arafasida turgan Joze Mourinyoga o‘rinbosar izlamoqda. «Burgutlar»ning nomzodlar ro‘yxatida Amorim asosiy da’vogarlardan biri sifatida tilga olinayotgan edi, biroq bu mish-mishlar o‘z tasdig‘ini topmadi.
Jurnalist Ben Jeykobsning A Bola nashriga tayanib xabar berishicha, «Manchester Yunayted»ning sobiq ustozi Portugaliyaga qaytishga qiziqmayapti — u faoliyatini xorij chempionatlaridan birida davom ettirish niyatida. 41 yoshli mutaxassis bilan hech qanday muzokaralar olib borilmagan. Eslatib o‘tamiz, Ruben Amorim shu yilning yanvar oyi boshida «qizil iblislar» bosh murabbiyligidan iste’foga chiqarilgan edi. Muqaddam u Lissabonning «Sporting» hamda «Braga» klublarini boshqargan.
